Asa sa Bibliya nga nagpa-matuod nga naa gayod ang Tulo ka Persona?

PANGUTANA:

Unsa nga verse o asa makita nga nagpa-matood nga ang Tulo (3) ka Persona naa gayud?

(Nangutana: Charyl Shane (Facebook), July 7, 2013)

TUBAG:
Ang tulo ka Persona gipadayag ni Cristo sa mga apostoles una siya mosaka didto sa langit.

Sa Daang Testamento sa Genesis 1:26 - Unya miingon na usab ang Dios, (singular) “Buhaton NATO ang tawo sama sa ATONG dagway. (NATO UG ATONG plural) (singular Divinity, plurality in Person)

Si Cristo Gibanhaw sa Tulo (3) ka persona: (Sample lang )

• AMAHAN – Galacia 1:1 – Si Cristo gibanhaw sa Dios Amahan
• ESPIRITU SANTO – Roma 8:11 - …ang ESPIRITU SA DIOS nga nagbanhaw kang Jesus.Niining puntoha, ang ESPIRITU SA DIOS mao ang Espiritu Santo nga gihisgotan sa Mateo 3:16 – “….nakita niya ang ESPIRITU SA DIOS nga mikunsad daw salampati…..” I – compare sa Marcos 1:10 ug Lucas 3:21 – nga mikunsad kang Jesus ang Espiritu Santo sa dagway sa salampati.
• ANAK - Juan 2:19, 21 –“Gub-a ninyo kining maong templo ug tukoron KO kini pag-usab sulod sa tulo ka adlaw.(verse 21) – Apan ang templo nga gihisgotan ni Jesus mao ang iyang lawas.” (Nagpasabot nga patya ninyo ning maong lawasa ug banhawon KO (Jesus (2nd Person) kini sulod sa tulo ka adlaw)

Mateo 20:19 – “……bunyagi sila sa ngalan sa Amahan, ug sa Anak ug sa Espiritu Santo”
1 Juan 5:7 (King James Version) - For there are three that bear record in heaven, the Father, the Word, and the Holy Ghost: and these three are one.

Ang nagbanhaw ni Cristo nga gipadayag sa Biblia mao ang AMAHAN, ANAK ug ESPIRITU SANTO. Dili tulo ka Dios kondili tulo (3) ka Persona apan kung tulo usa lamang diha sa iyang pakamao. “In the name” nga sa ato pa singular kay kon plural pa “In the names” unta ug wala masayop si Jesus pagtudlo niini kay wala may nanggula nga bakak gikan sa iyang baba. (1 Pedro 2:22)

Tinubdan: Jessie Fuertes (CFD Nasipit Chapter)