Naka adto ba si Apostol Pedro sa Roma?

PANGUTANA:

Maayong adlaw bro. Unsay mga lig-ong referensya nato nga si Apostol Pedro naka adto sa Roma? Kay ang ubang secta mamalibad man gyud nga si Pedro unang Papa sa Roma ug nga siya wala gyud makaadto sa Roma. Salamat God Bless! (Nangutana: Angelo Ventura)

TUBAG:

Maayong adlaw brod!  Ang Bibliya mipasabot nga si San Pedro nahiadto gayod sa Roma.

• Si San Pedro sa iyang unang sulat  miingon:  ”Ang Iglesya nga ania sa Babilonia, nga pinili usab, nangumusta kaninyo...”(1 Pedro 5:13).

• Bantayan nato nga si San Pedro miingon sa Iglesiya nga ania sa Babilonia nagpasabot nga diha siya sa maong lugar samtang nagsulat niini.

• Mao na lay tinoon nato kung mao ba ni ang Roma.  Ania ang gisaysay sa Bibliya ug sa History bahin sa Babilonia kaniadto sa Bag-ong Tugon.

• Sa Pinadayag 17:5 nagkanayon: “Babilonia nga bantugan, ang inahan sa mga dautang babaye...”

• “Gikinahanglan niini ang salabotan nga may kaalam; ang pito ka ulo mao ang pito ka bungtud nga niini naglingkod ang babaye” (Pin. 17:9).

• Pinadayag 17:19 – Ang nakita mong babaye mao ang dakong siyudad nga nagmando sa mga hari sa kalibotan. ( Niining panahona, ang Rome maoy world power )

• Sa libro nga Modern Times and the Living Past, page 137 nagkanayon, “In time all these were occupied by Rome and it was often called the city of seven hills”

• Ug ang bag-ong hubad karon sa Bag-ong tugon sa Protestante kang Tyndale giingon na niini paghubad ang (1 Pedro 5:13)  sa Eningles, “The Church here in Rome – she is your sister in the Lord – sends you her greetings...”  sa ato pa, “Ang Iglesiya nga ania sa Roma – inyong igsoon – diha sa Ginoo nangumusta kaninyo...” Ug si San Pedro ang nagsulti o niini siya miingon nga ania sa Roma, busa didto gayud diay siya sa Roma.

God bless!

Tinubdan: Jessie Fuertes