Dili ba sayop sa Santa Iglesya Katolika sa unang panahon ang pag-ingon “Outside the Catholic Church there is no salvation”?
PANGUTANA:
Dili ba usab sayop sa Santa Iglesya Katolika sa unang panahon ang pag-ingon, “Outside the Catholic Church there is no salvation” apan si Papa Pio IX miingon “ug inabagan sa Diosnong kahayag sa Iyang grasya, kini sila tungod sa dako sa kaluoy sa Dios mangaluwas usab.”
TUBAG:
Ang giingon sa Simbahan nga “Ang mahigawas sa iglesya Katolika walay kaluwasan,” ug ang pag-ingon usab ni papa Pio IX nga kadtong atua sa gawas sa Iglesya Katolika, “Inabagan sa Diosnong kahayag ug sa grasya kini sila tungod sa dako nga kaluoy sa Dios maluwas usab,” wala kini panagkasumpaki kon contradiction. Sanglit dunay buot ipasabot ang Simbahan sa pag-ingon nga gawas sa Iglesya katolika walay kaluwasan, ang buot ingon niini mao nga kadtong mga tawo nga mituyo sa pagkagawas sa Iglesya Katolika sa ilang tinuyo nga kasaypanan mao ang dili maluwas. Sama pananglit sa tawo nga nahibalo ug kombinsido nga ang Iglesya Katolika mao gayud ang matuod nga Iglesya nga gitukod ni Cristo nga gibinlan niyag gahom sa paggapos ug paghubad, apan sa tinuyo gayud didto mopasakop sa usa ka pundok nga dili mao ang matuod nga tinukod ni Cristo, nan, kini usa ka dakong sala nga kondili gayud mabasolan ang maong tawo mahulog siya sa impyerno. Si San Pablo naghisgot niini, ania ang iyang giingon: “Kay mahitungod niadtong mga naiwagan sa makausa ug nakatilaw na sa mga hatag nga langitnon ug nahimong mga umalambit sa Espirito Santo, ug nakatilaw sa maayong mga pulong sa Dios ug sa gahom sa mga katuigan nga umaabot, ug unya mahulog dili mahimo sa pagbag-o kanila ngadto sa paghinulsol, samtang gilansang nila pag-usab ngadto sa ilang kaugalingon ang anak sa Dios ug gipakaulawan nila siya sa dayag” (Hebreo 6:4-6).
Ug kadtong mga anaa sa gawas sa matudo nga Simbahan sa kasaypanan nga dili nila tinuyoan, sama niadtong mga natawo sa pundok nga dili tinukod ni Cristo apan, kombinsido sila niini ug kutob sa mahimo gituman nila sa minatarung ang ilang konsensiya, ang Dios tungod sa Iyang kaluoy magaluwas gihapon niining mga tawhana. Mao kini ang mga tawo nga takos kadapatan niadtong pag-ampo ni Jesus sa Krus nga nagkanayon, “Amahan ko, pasayloa sila kay wala sila masayud sa ilang mga gibuhat.”
Dunay duha ka matang sa kangil-ad sa kalibotan, ang nahiuna ang lawasnon o katalagman sa kinaiyahan uug ang ikaduha mao ang kalagnong kadautan: Ang nahiuna sama sa bagyo, linog, gutom, mga sakit kini sila mga pagsuta sa dios, kini sila gibuot sa Ginoo aron sa pagpanton kanato ug aron sa pagtul-id sa atong hiwi nga mga buhat. “Ang tanang kastigo karon daw dili kalipayan, kondili kasakitan; apan sa ulahi magahatag og makigdaitong bunga alang niadtong nabansay kaniya, aron makaambit kita alang sa iyang kabalaan . . “ (Heb. 12:10-11). Ang ikaduha, ang kalagnong kadautan maoy buhat sa pag-abuso sa tawo sa kagawasan nga gihatag sa Dios kaniya: “Kay Siya (ang Dios) wala gayud magmando ni bisan kinsa sa paghimog dautan, ni maghatag lisensiya sa tawo sa pagpakasala” (Eklu. 15:21). Busa, balikon ko, ang mga katalagman mga inhustisya, mga apan ug mga kasakitan, kini sila mga sangputanan sa sala sa tawo. Apan dili kini kalig-onan sa pagsalikway sa pagka-adunay Dios!
Tinubdan: Katin-awan (Sa Pagtoong Katoliko) - Bro. Soc C. Fernandez
Dili ba usab sayop sa Santa Iglesya Katolika sa unang panahon ang pag-ingon, “Outside the Catholic Church there is no salvation” apan si Papa Pio IX miingon “ug inabagan sa Diosnong kahayag sa Iyang grasya, kini sila tungod sa dako sa kaluoy sa Dios mangaluwas usab.”TUBAG:
Ang giingon sa Simbahan nga “Ang mahigawas sa iglesya Katolika walay kaluwasan,” ug ang pag-ingon usab ni papa Pio IX nga kadtong atua sa gawas sa Iglesya Katolika, “Inabagan sa Diosnong kahayag ug sa grasya kini sila tungod sa dako nga kaluoy sa Dios maluwas usab,” wala kini panagkasumpaki kon contradiction. Sanglit dunay buot ipasabot ang Simbahan sa pag-ingon nga gawas sa Iglesya katolika walay kaluwasan, ang buot ingon niini mao nga kadtong mga tawo nga mituyo sa pagkagawas sa Iglesya Katolika sa ilang tinuyo nga kasaypanan mao ang dili maluwas. Sama pananglit sa tawo nga nahibalo ug kombinsido nga ang Iglesya Katolika mao gayud ang matuod nga Iglesya nga gitukod ni Cristo nga gibinlan niyag gahom sa paggapos ug paghubad, apan sa tinuyo gayud didto mopasakop sa usa ka pundok nga dili mao ang matuod nga tinukod ni Cristo, nan, kini usa ka dakong sala nga kondili gayud mabasolan ang maong tawo mahulog siya sa impyerno. Si San Pablo naghisgot niini, ania ang iyang giingon: “Kay mahitungod niadtong mga naiwagan sa makausa ug nakatilaw na sa mga hatag nga langitnon ug nahimong mga umalambit sa Espirito Santo, ug nakatilaw sa maayong mga pulong sa Dios ug sa gahom sa mga katuigan nga umaabot, ug unya mahulog dili mahimo sa pagbag-o kanila ngadto sa paghinulsol, samtang gilansang nila pag-usab ngadto sa ilang kaugalingon ang anak sa Dios ug gipakaulawan nila siya sa dayag” (Hebreo 6:4-6).
Ug kadtong mga anaa sa gawas sa matudo nga Simbahan sa kasaypanan nga dili nila tinuyoan, sama niadtong mga natawo sa pundok nga dili tinukod ni Cristo apan, kombinsido sila niini ug kutob sa mahimo gituman nila sa minatarung ang ilang konsensiya, ang Dios tungod sa Iyang kaluoy magaluwas gihapon niining mga tawhana. Mao kini ang mga tawo nga takos kadapatan niadtong pag-ampo ni Jesus sa Krus nga nagkanayon, “Amahan ko, pasayloa sila kay wala sila masayud sa ilang mga gibuhat.”
Dunay duha ka matang sa kangil-ad sa kalibotan, ang nahiuna ang lawasnon o katalagman sa kinaiyahan uug ang ikaduha mao ang kalagnong kadautan: Ang nahiuna sama sa bagyo, linog, gutom, mga sakit kini sila mga pagsuta sa dios, kini sila gibuot sa Ginoo aron sa pagpanton kanato ug aron sa pagtul-id sa atong hiwi nga mga buhat. “Ang tanang kastigo karon daw dili kalipayan, kondili kasakitan; apan sa ulahi magahatag og makigdaitong bunga alang niadtong nabansay kaniya, aron makaambit kita alang sa iyang kabalaan . . “ (Heb. 12:10-11). Ang ikaduha, ang kalagnong kadautan maoy buhat sa pag-abuso sa tawo sa kagawasan nga gihatag sa Dios kaniya: “Kay Siya (ang Dios) wala gayud magmando ni bisan kinsa sa paghimog dautan, ni maghatag lisensiya sa tawo sa pagpakasala” (Eklu. 15:21). Busa, balikon ko, ang mga katalagman mga inhustisya, mga apan ug mga kasakitan, kini sila mga sangputanan sa sala sa tawo. Apan dili kini kalig-onan sa pagsalikway sa pagka-adunay Dios!
Tinubdan: Katin-awan (Sa Pagtoong Katoliko) - Bro. Soc C. Fernandez
No comments