Unsay kalainan sa Kalag ug sa Espirito diha sa tawo?
PANGUTANA:
Unsay kalainan sa kalag ug sa espirito diha sa tawo?
TUBAG:
Ang kalag mao ang kapasikaran sa kinabuhi. Nasayran nato gikan sa Kinaadman nga adunay tulo ka matang sa kalag. Ang kalag nga talamnon (vegetative soul), ang katakos sa kinabuhi sa tanom. Ang kalag nga mananapnon (sensitive or animal soul), ang katakos sa kinabuhi sa hayop.
Ang kalag nga espirituhanon, spiritual or rational soul, ang katakos sa kinabuhi sa tawo. Ug ang basahong opisyal sa Iglesya Katolika miingon bahin sa kalag nga espirituhanon: “Ang espirituhanon nga kalag mao ang kapasikaran sa salabotan ug kabubut-on, ug sa samang higayon mao ang kapasikaran bisan sa talamnon o sa mananapnong kinabuhi sa lawas sa tawo. Gikan sa kalag naangkon sa atong lawas ang pagbati ug ang kinabuhi” (D. 1655, Fundamentals of Catholic Dogma, page 95).
Ang kahulogan sa pulong espiritu kun mahitungod sa tawo, kini mao ang pagkamao nga adunay salabotan ug kabubut-on ug walay bahin nga materyal. Sa maong paagi, mao usab ang kalag – ang kalag mao ang bahin nga espirituhanon diha sa tawo nga may salabotan ug kabubut-on ug walay bahin nga makita o mahikap. Busa diha sa tawo, ang kalag ug ang iyang espiritu mao ra. Sanglit giingon sa mga makinaadmanon: “Ang bugtong kalag nga espirituhanon tali sa daghang matang sa kalag mao ra ang kalag sa tawo.” Ang kalag sa tanom ug sa hayop, dili espirituhanon sanglit wala man kini'y salabotan ug kabubut-on. Busa kon mamatay ang tanom o hayop wala na, kutob ra sila diha.
Diha sa tawo makita nato nga ang iyang kalag ug espiritu mao ra, pananglit, “kay wala siya mahibalo sa nagama kaniya, ug kinsay naghuyop kaniya sa kalag nga nagabuhat, ug naghuyop kaniya sa espiritu sa kinabuhi” (Kinaadman 15:11). Dinhi makita nato nga kining kalag o espiritu gihuyop sa Dios diha sa tawo. “Ang tawo sa tinuoray mamatay tungod sa kadautan; ug sa mahigula na ang espiritu, dili makapapabalik, ni makabawi sa kalag nga nadawat na. (Kinaadman 16:14) (Ang basahon sa Kinaadman mabasa sa Bibliya nga edisyon Katoliko). Gimatuod usab nga ang usa ka bata nga namatay mibulag ang iyang kalag ug dihang giampo. “Ug ang Ginoo namati sa pag-ampo ni Elias; ug ang kalag sa bata mibalik kaniya pag-usab ug siya nabuhi” (1 Hari 17:21-22). “Ug ang abog mobalik nganhi sa yuta ingon sa kaniadto, ug ang espiritu mobalik ngadto sa Dios nga maoy naghatag niini” (Ecclesiastes 12:7).
Unsay kalainan sa kalag ug sa espirito diha sa tawo?
TUBAG:
Ang kalag mao ang kapasikaran sa kinabuhi. Nasayran nato gikan sa Kinaadman nga adunay tulo ka matang sa kalag. Ang kalag nga talamnon (vegetative soul), ang katakos sa kinabuhi sa tanom. Ang kalag nga mananapnon (sensitive or animal soul), ang katakos sa kinabuhi sa hayop.
Ang kalag nga espirituhanon, spiritual or rational soul, ang katakos sa kinabuhi sa tawo. Ug ang basahong opisyal sa Iglesya Katolika miingon bahin sa kalag nga espirituhanon: “Ang espirituhanon nga kalag mao ang kapasikaran sa salabotan ug kabubut-on, ug sa samang higayon mao ang kapasikaran bisan sa talamnon o sa mananapnong kinabuhi sa lawas sa tawo. Gikan sa kalag naangkon sa atong lawas ang pagbati ug ang kinabuhi” (D. 1655, Fundamentals of Catholic Dogma, page 95).
Ang kahulogan sa pulong espiritu kun mahitungod sa tawo, kini mao ang pagkamao nga adunay salabotan ug kabubut-on ug walay bahin nga materyal. Sa maong paagi, mao usab ang kalag – ang kalag mao ang bahin nga espirituhanon diha sa tawo nga may salabotan ug kabubut-on ug walay bahin nga makita o mahikap. Busa diha sa tawo, ang kalag ug ang iyang espiritu mao ra. Sanglit giingon sa mga makinaadmanon: “Ang bugtong kalag nga espirituhanon tali sa daghang matang sa kalag mao ra ang kalag sa tawo.” Ang kalag sa tanom ug sa hayop, dili espirituhanon sanglit wala man kini'y salabotan ug kabubut-on. Busa kon mamatay ang tanom o hayop wala na, kutob ra sila diha.
Diha sa tawo makita nato nga ang iyang kalag ug espiritu mao ra, pananglit, “kay wala siya mahibalo sa nagama kaniya, ug kinsay naghuyop kaniya sa kalag nga nagabuhat, ug naghuyop kaniya sa espiritu sa kinabuhi” (Kinaadman 15:11). Dinhi makita nato nga kining kalag o espiritu gihuyop sa Dios diha sa tawo. “Ang tawo sa tinuoray mamatay tungod sa kadautan; ug sa mahigula na ang espiritu, dili makapapabalik, ni makabawi sa kalag nga nadawat na. (Kinaadman 16:14) (Ang basahon sa Kinaadman mabasa sa Bibliya nga edisyon Katoliko). Gimatuod usab nga ang usa ka bata nga namatay mibulag ang iyang kalag ug dihang giampo. “Ug ang Ginoo namati sa pag-ampo ni Elias; ug ang kalag sa bata mibalik kaniya pag-usab ug siya nabuhi” (1 Hari 17:21-22). “Ug ang abog mobalik nganhi sa yuta ingon sa kaniadto, ug ang espiritu mobalik ngadto sa Dios nga maoy naghatag niini” (Ecclesiastes 12:7).
Tinubdan: Katin-awan (Sa Pagtoong Katoliko) - Bro. Soc C. Fernandez
No comments