Header Ads

Kadtong mga dili sakop sa Simbahang Katoliko, mangaluwas ba usab?

PANGUTANA:
Kung tinood nga Iglesya ni Hesukristo ang Iglesya Katolika, unsaon man sa mga taong lain ang relihiyon aron sila maluwas? Kung dili sila mamahimong Katoliko, dili ba sila makasulod sa langit?

Pangutana ko lang ni. I'm Catholic. Hope I can see the answer on the blog very soon. Thanks and more power! (Nangutana: roysem<roysem@gmail.com>, date sent: Sat, Dec 10, 2011 at 11:38 PM)

TUBAG:
Bisan kon kita nga anaa sa matuod nga Iglesya wala ipasalig sa Ginoo nga ang kaluwasan sigurado o kaha masayon, hinuon adunay daghang kakulian.

Alang sa mga dili sakop sa Iglesya Katolika, si Papa Pio IX miingon,”Nahibaloan nato nga kadtong mga tawo gumikan sa dili tinuyo nga kasaypanan (invincible ignorance) wala mahibalo sa atong balaang tinuhoan, apan nagbansay sa balaod natural, ang balaod nga gipatik sa Dios diha sa ilang kasingkasing ug nagmatumanon sa ilang tanlag sa pagpuyo sa matarong nga kinabuhi ug inabagan sa Diosnong kahayag sa iyang grasya, kini sila tungod sa kadako sa kaluoy sa Dios mangaluwas usab. Ang Dios nga mao ra ang makasuta sa tuyo sa atong mga kasingkasing dili motambog sa usa ka kalag ngadto sa impyerno, gawas niadtong mga tawo nga kinabubut-on ug tinuyo milapas sa kasugoan sa ilang konsensya. (Encyclical to the Italian Bishops)

Ang simbahan sa iyang pag-ingon nga “gawas sa Iglesya Katolika walay kaluwasan”(Catechism of the Catholic Church #846 & #847), ang buot ipasabot niini mao nga kadtong mga tawo nga mituyo sa pag gawas sa Iglesya Katolika sa ilang tinuyo nga kasaypanan mao ang dili maluwas. Sama pananglit sa tawo nga nahibalo ug kumbinsido nga ang Iglesya Katolika mao gayod ang matuod nga Iglesya nga gitukod ni Cristo nga gibinlan niya sa gahom sa paggapos ug paghubad apan motuyo lang gihapon sa pagpasakop sa dili tinukod ni Cristo, nan kini usa kini ka dakong sala nga kondili gayod mabasolan ang maong tawo mahulog gayod sa impyerno.

Kadtong mga tawo nga anaa sa gawas sa matuod nga Iglesya sa kasaypanan nga dili nila tinuyoan (invincible ignorance), sama niadtong natawo sa pundok nga dili tinukod ni Cristo apan kumbinsido sila niini (taman ra gyod pod sa ila lamang nahibaw-an ug naabot) ug kutob sa mahimo gituman nila sa minatarong ang ilang konsensya, ang Dios tungod sa Iyang kalooy magaluwas gihapon niining mga tawhana. Mao ni sila ang mga tawo nga naapil sa pag-ampo ni Jesus didto sa Krus nga nag-ingon, “Amahan ko, pasayloa sila kay wala sila masayod sa ilang gibuhat”. Wala ra ba moingon si Jesus nga “Amahan, iapil pod tong nahibalo”. Mao nga kadtong nasayod na apan magpagahi-gahi lang gihapon sa ilang tangkugo mahiagom gayod sa kapildihan.

Kining mga maayong tawo (supernaturally good) nga dili sakop sa tinuod nga Iglesya nga naapil sa kaluwasan, mao ni sila ang gihisgotan ni Cristo sa Juan 10:16 – “Ako adunay ubang mga karnero nga wala mahisakop niining torila. Kinahanglan dad-on ko usab sila nganhi ug mamati sila sa akong tingog ug mahimo sila nga usa na lamang ka panon ubos sa usa ka magbalantay


Magisterium
Vatican Council II Document
Lumen Gentium (Dogmatic Constitution on the Church)
  • #14 Pinasukad sa Kasulatan ug Tradisyon, ang Konsilyo nagatudlo kanato nga ang Simbahan kinahanglan alang sa kaluwasan ……Siya (Cristo) mismo nagsulti sa pagka kinahanglan sa Simbahan. Nagpasabut kini nga dili maluwas ang mga tawo kon sila nakasabot sa tinuoray nga ang Dios nagtukod sa Simbahan, nga ang Simbahan kinahanglan alang kanila ug unya bisan pa niana magdumili sila pagpasakop sa Simbahan.
  • #16 ….. May mga tawo usab nga walay kasinatian mahitungod ni Cristo apan bisan pa niana nangita sa Dios ug nagasunod sa pagtoktok sa ilang mga tanlag. Kini usab sila nahiapil diha sa laraw sa kaluwasan. Ug dunay mga tawo nga walay kahibalo mahitungod sa Dios ug nga naningkamot pagpuyo ug mga maayong kinabuhi. Sila usab nahiapil diha sa laraw sa kaluwasan.

Gihubad ni Mons. Cesar J. Alcoseba

Nihil Obstat: Andres R. Flores, J.C.D.
Censor librorum

Imprimatur: Julio R. Cardinal Rosales
Archbishop of Cebu

Tinubdan: Jessie Fuertes (CFD Nasipit Chapter)

5 comments:

  1. Pasayloa ako pero dli ako mka uyon sa (Catechism of the Catholic Church #846 & #847) Walay basihan ngano mag hisgut ana, Sama raka naga husga, Ako usab, usa ka Katoliko, pero apan mg tambung-tambung kus uban na tinohuan, maminaw ako sa ilang pag tuo. Sama sa ako, ako krun dli mg simba ug dli mg sign of cross, pero kanunay ako ga ampo, taas ako pag tuo ug pag salig sa Ginoo, pero krun Gugma ang akong tumbanan kysa sa relihiyun, Bro gusto tna ko mka basa sa imong sumpay ug comento, Salamat!

    ReplyDelete
  2. Maayong udto kanimo bro. Una sa tanan, gusto una nakong mahibaw-an gikan kanimo unsay imong definition sa relihiyon kay aron magkapareho ang atong level ug aron maanam-anam nato ug hisgot ang mga importanteng punto. Daghang salamat ug God bless!

    ReplyDelete
  3. murag mo babag jud ko PEACEJAM sa imong komento nga walay koneksyon sa imong pagtu-o tungod wala nimo gi konsidera ang RELIHIYON may sumbanan sa imong PAGTO-O. dili nato pwede ipalayo ang ang relihiyon, tungod kay imong gi GUGMA sa GINOO dili mapapas ug daku, pero kini haw-ang ra jud nga pagto-o. kung tinuuray ka gi GUGMA nimo ang Ginoo, kinahanglan mo sunod ta sa mga sugo sa iyaha. Cardinal Luis Tagle says, RELIGION is the basic FOUNDATION of your FAITH and LOVE of CHRIST.

    ReplyDelete
  4. Ang pagtuo,pagsalig, gugma.. Dios og wala na 3 angt awo walay dereksiyon sa Kinabuhi

    ReplyDelete
    Replies
    1. wala may mabasa sa bible nga romana katolika ang relihiyon ng agimogna saGINOO

      Delete

Powered by Blogger.