Nganong gitawag man si anghel Gabriel ug “Saint Gabriel” nga dili man siya tawo?

QUESTION:

Maayong buntag kaninyo mga igsoon ko ni Kristo o sa pagtoo. Naa lang koy pangutana bahin kang St. Gabriel Archangel, Nganong nahimo man siya og Santos nga usa man siya ka Anghel nga sulogoon man siya sa Ginoo. Unsang hitabo-a nga nahimo man siya nga Santos og dili man siya tawo sama kanato? Kasagaran na Santos mga anak sa tawo man. Mao naglibog ko nga unsa man hitabo-a nga nahimo siyang Santos nga usa man siya ka Anghel.

Nangutana: Noel Hermoso (January 4, 2018)

ANSWER:

● Kasagaran sa atong nahibawa-an mga santos anak sa tawo, pero dunay dili tawo nga gitawag usab ug balaan didto sa langit ug kana mao ang mga anghel. (Psalm 89:5)

Psalm 89:5 NET Bible - O LORD, the heavens praise your amazing deeds, as well as your faithfulness in the angelic assembly.

Psalm 89.5 KJV Bible - And the heavens shall praise thy wonders, O LORD: thy faithfulness also in the congregation of the saints.

● Gitawag usab sila ug anak sa Dios (Job 1:6, 38:7)

Job 1:6 - Now the day came when the sons of God came to present themselves before the Lord – and Satan also arrived among them.

Job 38:7 - when the morning stars sang in chorus, and all the sons of God shouted for joy?

● Ang mga tawo nga nagpuyo nga balaan sa ilang kinabuhi dinhi sa kalibotan kon banhawon na, mahisama sila sa mga anghel sa Dios. Mao ni ang giingon:

Mateo 22:30 - Kay kon banhawon na ang mga patay, mahisama sila sa mga anghel sa langit...

Lucas 22:36 - Mahisama na sila sa mga anghel ug dili na mamatay.

Kon ang Dios Balaan (Santos) (Rev 4:8) nga maoy tinubdan sa pagkabalaan, ang namuyo sa iyang Gingharian nga mao ang langit balaan usab sama sa mga anghel ingon man usab ang kalag sa mga tawong balaan nga naa na sa langit sama na pod sa anghel. Tungod kay walay makapuyo sa langit nga dili balaan o santos (Rev 21:27). Busa ang mga anghel sama ni Gabriel gipasidunggan ug gitawag usab sa simbahan ug San Gabriel sanglit ang mga anghel sama sa mga santos (Rev 5:8) magaampo usab nato (Zac 1:12).

Tinubdan: Jessie Fuertes (CFD Nasipit Chapter)