Nganong ostiya o pan ra man ang ipakalawat sa Pari ngadto sa mga Laymen o dili Pari?

PANGUTANA:

Dili ba giingon man sa Bibliya, “Sutaon sa tawo ang iyang kaugalingon ug sa ingon niana mokaon siya sa pan ug moinom siya sa kalis.” (1 Kor. 11:28) Duha man ang ipakalawat pan ug bino, nganong ostiya o pan ra man ang ipakalawat sa Pari ngadto sa mga Laymen o dili Pari?

TUBAG:
Ang gisugo sa Ginoo sa pagkalawat sa duha mao ang ministro sa maong sakramento kun pari. Diha sa pagtukod niining skramento sa kalawat sa katapusang panihapon walay usa nga nahiapil niadto nga dili apostoles kun ministro sa Ginoo. Busa ang Laymen walay labot niadtong sugoa nga obligasyon gayud sa pagkalawat sa duha ka bayhon sa pan ug sa bino. Sa pagkalwat sa mga apostoles alang sa mga matuohon, mao na lamang ang ostisya kun lawas ni kristo sa bayhon sa pan. “Ug sa nagpadayon sila sa paghiusa sa templo sa matag adlaw ug sa pagtipik-tipik sa tinapay...” (Buh. 2:46) Apan mahimo usab nga ang mga dili pari makakalawat sa duha ka bayhon sa pan ug bino.

Ug kining maong ostiya kun pan nga konsagrado mabalhin man ngadto sa lawas ni Kristo, sa buhi gayud nga lawas, busa anaa na usab diha ang dugo, kay buhi man ang maong lawas. “Ako mao ang buhi nga pan nanaog gikan sa langit, bisan kinsa nga moakon niining pan mabuhi sa gihapon...” (Juan 6:51) Kining pagtuoha nga ang pan ug bino tapos sa konsagrasyon mabalhin sa pagkalawas ug dugo ni Kristo gipaila usab bisan sa labing karaan nga mga Kristohanon, pananglit si San Justino sa tugi 150, A.D. Miingon: “Ang mga Kristiyanos mikalawat dili sama sa pan sa kaniya o sa ilimnon sa kinaiya, kondili sa gitudlo kanato nga mao ang lawas ug dugo ni Kristo.”

Tinubdan: Katin-awan (Sa Pagtoong Katoliko) by Bro. Soc C. Fernandez