Mga "Cannibals" ba ang mga Katoliko?

PANGUTANA:

Kumusta brod may pahatagan unta ko ug katin-awan napod nimo bro. Kining pagtulon-an sa Katoliko brod mahitungod sa Eukaristiya. Pagkalawat sa lawas ni Kristo, di ba gidawat ug gituhuan man gayod sa mga Katoliko nga kanang “pan” ug “bino” nga human sa konsagrasyon sa Pari mahimo gayod nga tinood nga lawas ug dugo ni Kristo.

Wala ba kita makasala ug “Cannibalism” sa matag inom ug inigkaon nato sa pan ug bino human nga kini makonsagrasyahi sa Pari? (nangutana: Alvin Ventura)

TUBAG:

Maayong adlaw kanimo brod, tinuod brod nga ang pagtoo sa simbahang Katoliko mao nga ang gikalawat mao ang tinood nga lawas ug dugo ni Kristo. De modo sa natural natong pangatarungan ug paminaw makaingon gayod kita nga ang gikaon nato unod ug dugo sa tawo daw morag tag mga cannibal. Timan-an lang nato brod nga si Cristo dili tawo lang kondili Dios ug Tawo (God-Man) (Roma 9:5, Tito 2:13). Sumala sa katesismo ang atong gikalawat dili unod ug dugo lamang ni Cristo. Una sa tanan brod ang Eucharist usa ka “sacrifice offered by God-Man(Christ) to God by his own body on the cross.” Iya kining gibuhat tungod kay walay laing maka satisfy nga sakripisyo sa sala kondili mao ra gyod ang lawas ug dugo sa Iyang Anak. Ang dugo sa bisan kinsang matarong nga tawo dili igo nga ikabayad sa sala sa kalibotan bisan pag iponon ang dugo sa tanang propeta. Ang makatang-tang sa sala mao kadtong dugo sa usa ka sakripisyo nga ang bili sa iyang dugo, bili sa dugo sa usa ka Dios ug mao na nga si Kristo nagpakatawo aron maghimo sa usa ka hingpit nga halad (perfect sacrifice). Busa ang atong gikalawat anaa ang tibuok nga Jesukristo uban sa iyang lawas, dugo, kalag ug “PAGKA-DIOS” (flesh, blood, soul and Divinity). (Concommitance)

Ang atong gidawat sa pagkalawat dili na mao ang “passible” Christ (buot ipasabot nga si Cristo during sa Last Supper naghupot pa ug “mortal body” nga sa ato pa, lawas nga mamatay apan diha sa iyang pagkabanhaw na-transform siya ngadto sa mahimayaong lawas kon “glorified body”. 1 Corinto 15:42, 44 – Ang lawas nga ilubong madunot apan sa pagkabanhaw na niini, dili na kini madunot…. Iniglubong niini, lawas kini nga yutan-on, apan inigkabanhaw niini, lawas nga espirituhanon.(glorified body) (Filipos 3:21). Sa 1 Pedro 3:18, si Cristo gipatay ingon nga tawo apan gibanhaw ingon nga espiritu. Mao na nga ang Eucharist gitawag ug espirituhanong kalan-on, pan nga gihatag sa Dios (Juan 6:33) . Ang gibanhaw nga Cristo dili na mamatay tungod kay gibuntog man niya ang kamatayon didto sa iyang sakripisyo sa Krus.

Usa sa kalainan sa mga cannibalism ug pagkalawat mao nga ang mga cannibal mokaon sa patay nga unod sa tawo apan diha sa kalawat ang atong gikaon mao ang buhing sakramentohanon ug mahimayaon nga lawas ni Cristo uban ang iyang pagka-Dios. Ug ang nabanhaw nga Cristo dili na mamatay. Dili kini cannibalismo kay ang atong gikaon dili na man mamatay.

Ikaduha, ang kalawat wala mag-nourish sa lawas kondili sa kalagnong kahimtang nga mohatod nato sa kinabuhing dayon. Human sa atong pagtulon sa ostias kini mahilis ug ang mabilin mao na lang ang grasya . Ang cannibalismo lawasnon, pinagano (paganistic) ug taman ra sa tiyan makahatod ngadto sa kapildihan.

Matod pa ni Michael Foley, usa ka Associate Professor of Patristic sa Baylor University: The Eucharist & Cannibalism 

The Eucharist is the whole body and blood of Jesus Christ. Cannibals only take a part of their victims. But even the smallest particle of the Eucharist contains the entire body and blood of Christ. The familiar characteristics of space and matter don’t apply: consuming a larger Host does not mean you get more of Christ’s body and blood, nor does consuming a small Host mean you get less…..The Eucharist is not diminished. If Christ is entirely present in even the tiniest part of the Host…..The Eucharist consumes us. When you eat food, it becomes a part of you. With the Eucharist, however, the opposite happens. We become a part of it, that is, in Holy Communion, we are made a part of the mystical body of Christ. In our Lord’s words, those who eat His flesh and drink His blood abide in Him (Jn. 6.40).

Tinubdan: Jessie Fuertes